Tuesday, September 25, 2007

Shkoj e vi flutrim si zogu - Tekste Kengesh te Vjetra Shqiptare


I
Shkoj e vi flutrim si zogu, tue shetite,
Ndalem nen dritare me t'pa ty moj drite;
O shpirt, sa te due, del njihere e rri me mue,
Zemra jeme per mbas teje ka mbarue.

II
Si u shkrina e s'te pashe, moj bukuri,
Nen dritare t'tueja, vashe, po kjaj si f'mi;
Kjaj se m'ke hutue e s'po di se ka me shkue,
Zemra jeme per mbas teje ka mbarue.

III
Ti moj vashe, n'ate dritare, cfare mendon?
Mue prej gjumit, pse me cove, cfare kerkon?
A e din se kam mbarue, ma nuk mundem me durue,
Jeta jeme per mbas teje krejt u shue.

Friday, September 21, 2007

Dalin vajzat prej mejtepit - Tekste Kengesh te Vjetra Shqiptare


I
Dalin vajzat prej mejtepit*,
Dal e i pres me i kokerr molle;
Dalin tresin aman,
Bregut t'detit aman,
Jalla u shofsh, o hajde moj,
Shkodra jone, Shkodra jone.

II
N'ate penxhere bri sarajit,
Kishte ndeje nji vajze e re;
Me dallfes*, hej aman,
Midis ballit, aman,
Sec me shtine, hajde moj,
Gjalle ne dhe, gjalle ne dhe.

III
Kush ka qene njaj kundraxhija*,
Qi t'u ba moj ty ashik;
Ta ka marre, hej aman,
Masen me sy, aman
Stivaletin*, hajde moj
Nji percik*, nji percik.

*Mejtep: Shkolle fillore.
*Dallfes: Mbulese koke ne forme kakije e qendisur qe vinin nuset.
*Kundraxhija: Kepuce-beresi, kepuctari
* Stivalet: Taka e kepuceve te grave.
*Percik: ???

Monday, September 17, 2007

Te gezojme se erdh' pranvera - Tekste Kengesh te Vjetra Shqiptare


I
Te gezojme se erdh pranvera
perseri
Permbi t'gjitha lule t'tjera
Bashke me ty moj drandofille
do te rri.

II
Tash sa kohe qi s'jena pa,
na te mjeret
Mos te rrime ma k'shtu tue kja
Avitu, o mori lule,
te marr ere.

III
Ganxhe t'buk'ra ne behar-e,
i shperthen
Dashtnine n'zemer m'a njall-e,
Era jote, mori lule,
kah te vjen?

IV
Mos t'na shkoje moj drandofille
kjo pranvere
Bashke me ganxhe, gemin sille
Avitu, o mori lule
te marr ere.

Saturday, September 15, 2007

Dashtnuer t'u bana - Tekste Kengesh te Vjetra Shqiptare


I
Dashtnuer t'u bana,
Une ty, moj lule;
Rrezet si hana,
N'zemer m'i prune.

II
Prej larg t'shikjojshe,
Si rrezja e diellit;
Kur m'u afrojshe,
Si engjell qiellit.

III
Tue kja syte m'rrine,
M'ka lodhe dashtnija;
T'keshe moj mirsine,
T'ruejte Perendia.

Friday, September 14, 2007

O bylbyl, o more i mjere - Tekste Kengesh te Vjetra Shqiptare


I
O bylbyl o more i mjere,
Gjithfare kang'sh rrin tue kendue;
I pafati rrin gjith'here,
Nate e dite tue vajtue.

II
Mbramje vone e nadje heret,
Plasa i mjeri per me t'pa;
Kam kujtue se nji ksaj here,
S'ke me m'lane mue me kja.

III
Permbi vese te drandofillit,
Lot't e mi ke me i pa;
E me lule t'tjera t'prillit,
N'prehnin tem ti ke me ra.

Thursday, September 13, 2007

Iptida per te paren here - Tekste Kengesh te Vjetra Shqiptare


I
Iptida* per t'paren here,
Vete ke dashte me fole me mue;
Mos e pritsh gushtin e veres,
Qi kaq shpejt don me m'harrue.

II
Ke fillue me ma vue kamben,
S'ke dashtnine qi kena pase;
Edhe une tash ta marr anen,
Ndonse e di se kam me plase.

III
Lot't e mi po shkojne si gurra,
E prej syshe jam tue verbue;
Ta kam mbajte besen si burrat
Vec ne dac me m'u sharkue.

---------------
*Iptida - Ne fillim

Tuesday, September 11, 2007

Tekste Kengesh te Vjetra Shqiptare - Pranvera filloi me ardhe


I
Pranvera filloi me ardhe,
Dhe bylbyli nis me k'ndue;
Njajo drandofillja e bardhe,
Del n'dritare me ndigjue.
O shpirt sa te due,
S'bashku jeten me kalue

II
Rreth e rreth Shkodres jam sjelle,
Lule m'lule tue shetite;
Nder ma t'buk'rat ty t'kam zgjedhe,
Porsi hylli i bukurise.
O shpirt sa te due,
S'bashku jeten me kalue.

III
Kanarinen e merr malli,
S'mundet kuj me i diftue;
Se bylbyli asht i pari,
Edhe une i kam besue.
O shpirt sa te due,
S'bashku jeten me kalue.

Cfare thote? Cfare thote? - Kenge popullore shqiptare


Une e kam shume qejf muziken popullore shqiptare. Sa me e vjeter kenga, aq me me qejf e degjoj. Me me qejf dhe me me kujdes. Pse? Sepse shpesh, kengeve te vjetra nuk ua marr vesh fjalet. Nganjehere sepse incizimi eshte i keq, nganjehere sepse kengetari nuk ka diksion te rregullt dhe i ha fjalet. Nganjehere, thjesht sepse nuk i kuptoj fjalet.
Pyes rrotull per ndonje fjale, ca here me pergjigjen me "nuk e di", ca here te tjera me pergjigjen me nje fjale qe i eshte ngjitur kenges me vone.

Kete vere gjeta ne Shqiperi nje liber te quajtur: "250 Kenge Qytetare Shkodrane", transkiptuar dhe harmonizuar nga Tonin Zadeja dhe Tonin Daija (Idromeno, 2000).
Duke menduar qe ka dhe te tjere njerez me kete kuriozitet per fjalet e kengeve te vjetra shqiptare, dhe duke shpresuar qe ky Blog eshte i "Gugllushem", vendosa qe here pas here te postoj tekste te kengeve qe gjenden ne kete liber. Koshient qe botuesit e ketij libri nuk do marrin asnje lek te verdhe nga kjo pune, i kerkoj ndjese, por ne vetvehte jam i qete sepse, e para, leket e mia i moren (20 mije leke te vjetra, faleminderit shume) dhe e dyta, sepse une besoj thellesisht qe keto kenge jane prone e TE GJITHEVE, dhe keshtu "e drejta e autorit" eshte nul.
Po e filloj ne...ne postimin tjeter